منتديات - منتدى - خفوق الروح


تنوية هام : لجميع الاعضاء الذين يواجهون مشكلة بتسجيل الدخول للمنتدى فعلى الاغلب اسماء عضوياتهم فيها رموز ويوجد مشكله حاليا بسببها فالرجاء مراسلتنا لكي نغير اسم العضويه اضغط هنا للمراسله

 


العودة   منتديات خفوق الروح > منتديات خفوق الادبيه > وطن النثر > قصص و روايات

قصص و روايات قصص و روايات - قصص عربية , قصص أطفال , قصص غرامية , قصة قصيرة , قصص الأنبياء , قصص واقعية , قصص من نسج الخيال , قصص موروثة,قصص خياليه,قصص مفيده,قصص عبره



إضافة رد
 
أدوات الموضوع انواع عرض الموضوع
قديم 2011-02-19   #1
No0od
عضو متميز

الصورة الرمزية No0od

 تاريخ التسجيل : Jun 2009
 المكان : دآر بوُ سْلطآن .,
 الجنس : انثى
 المشاركات : 1,522
 السمعه : 191

No0od غير متصل

 

17 أحلآم بريئة . . ,

 

 

 

آحلآم, بريئة

[ALIGN=CENTER][TABLETEXT="width:70%;"][CELL="filter:;"][ALIGN=center]
آلسلآم عليكم ورحمه آلله وبركآته
يسعدلي صبآحكم / مسآكم بورد وجوري أحلآم بريئة أحلآم بريئة


يتكم ومعآي روآيه ثآنيه من كتآبتي
آن شآلله تنآل على رضآكم أحلآم بريئة أحلآم بريئة


هنآك آلكثير من آحلآم آلتي نحلمها
قد تكون آحلام كبيره وقد تكون صغيره
وقد تكون خآصه وقد تكون عآمه . .
قد تكون تآفه وقد تكون مهمه أحلآم بريئة
ربما نفشل في تحقيقها ونصيب بخيبه آمل أحلآم بريئة
وربما ننجح ونشعر بسعآآده تغمرنآ أحلآم بريئة أحلآم بريئة

آليكم آحلآم بريئة أحلآم بريئة أحلآم بريئة أحلآم بريئة
[/ALIGN]
[/CELL][/TABLETEXT][/ALIGN]

    رد مع اقتباس
قديم 2011-02-19   #2
No0od
عضو متميز

الصورة الرمزية No0od

 تاريخ التسجيل : Jun 2009
 المكان : دآر بوُ سْلطآن .,
 الجنس : انثى
 المشاركات : 1,522
 السمعه : 191

No0od غير متصل

 

افتراضي رد: أحلآم بريئة . . ,

 

 

 

آلبآرت آول







... شهقت : احين انا المغبره ولا انت ؟!
.... : انا ! لا انتي
... : حمدان اي مسس يوو
حمدان : فديت المس يوو من لسانج يلا قوليلي ليش ماا تتصلين ؟!
... : ابويه منبه عليه ما اتصل فييك عشان ما ترجع من تسمع صوتي
حمدان : دانوو مب عليه يلا قولي
دانه : والله
حمدان : انزين ترى صدقه احس اني برجع احينه
دانه : لا لا لا صار لك سنتين هناك لا تخرب كل شي وترجع ترى هذا مستقبلك
حمدان : وبعدين الدراسه ذابحتني ما عندي وقت وربي
دانه : احينه مشغول ؟!
حمدان : مب وايد . قوليلي كيف صار وضعج بتروحين جامعه صح ؟! ولا رسبتي ؟!
دانه صرخت : فالله ولا فالك . لا نجحت وبدخل جامعه ان شالله
حمدان : حشى صوتج , والبيت مثل ما هو ؟!
دانه : لا تغييير خبرك عتييج تغير واايد من اخر مره يت فيها
حمدان : والله شو تغير فيه ؟!
دانه : اول شي ابويه خذ قرض من البنك بنص مليون عشان يدخل شريك مع واحد
حمدان : شووو ؟! نص ملييون ؟! وشوالي خلاه يضمن ؟!
دانه : علمي علمك وكنت واايد خايفه الموهم وبدا باول صفقه وبعد شهر ياي يقولي ربحت 3 ملايين
حمدان ارتاح : ماشالله
دانه : وسدد الدين وبدا بصفقه ورى صفقه وبعد 3 شهور بيتنا العادي تحول لشي راقي
حمدان : ههههههه كيف ؟!
دانه : احم ابويه غير الديكوريش كله وصبغ البيت من يد ويديد صار حلوو ويفتح النفس واااي حمدان لو تشوفه
حمدان : حسستيني انه حبيبج
دانه بصوت حزين : اكيد ها البيت حبيبي في من ريحه الغاليه ( ومتلت عيونها دموع )
حمدان ضرب ايده ع يبهته : اااا اامم انزين حبيبتي بأي لون صبغتي حجرتج ؟!
دانه خذت نفس : هههه لون فوشي
حمدان : يالله يادلع انا
دانه : هههههههههه
حمدان : انزين شو تخصص الي تبين تتدخلينه ؟!
دانه : فن وتمثيل
حمدان : ها !! ههههه تحلمين يا بابا , دام ابويه فوق راسج
دانه تنهدت بضيق : ادري بس بدخلها وبتشوف
حمدان : نشوف يا شجاعه انزين يالسه فالبيت بروحج ؟!
دانه : لا
حمدان براحه : ابويه وياج ؟!
دانه : لا
حمدان : عيل ؟!
دانه : الخدم الله وكيلك
حمدان : خير خير ؟! خدم ؟! احيد عنا خدامه وحده وسايق وبعدين ابويه شقايل يقعدج مع الخدم بروحج
دانه : حمدان ترى هذا حالي من رحت وبعدين ابويه ياب 3 شغلات وحده تتطبخ و وحده تنظف و وحده سوريه تكرف فوق راسي
حمدان : هههههههههههههههههه
دانه : هيه والله جني بيبي عمرها 10 سنوات اووف أرف ما تهدني فحالي دقيقه
حمدان تنهد
دانه : شفيك ؟!
حمدان : داني مب عايبني سالفه انج يالسه ويا الخدم بروحج
دانه : شسوي خليها ع الله الموهم ما اطول عليك شد حيلك
حمدان : ان شالله وانتي لا تقطعين رمسيني دوم ابي اعرف اخبارج
دانه : تمام باي
حمدان : باي


ساعه 10 مساءا ..
دخل البيت ويلس فالصاله تحديدا ع الغنفه فرأس الصاله .. وكان فرحان ليش انه ربح صفقه ثانيه وقاعد يفكر يخبر ولده انه ياخذ
الدكتوراه فآمريكا بعد ( هممم اذا جي يعني بيدرس 10 او 9 سنوات وبعده بيتخرج والكل بيقول حمدان ولد عبدالله صار دكتور
وتخرج من امريكا هههه من قدك يا عبدلله ) قطع تفكيره دخله دانه .,
دانه : قووه ابويه
عبدالله : هلا بنتي
دانه يلست : شخبار الشغل ؟!
عبدالله براحه : وااااايد زييين الحمدالله
دانه : الحمدالله
عبدالله : انزين خبريني اخترتي التخصص ؟!
دانه : هيه ابويه . ابي ( ترددت) .... فن وتمثيل
عبدالله قعد يفكر وعطى قراره بعد دقيتين : لا اختاري شي ثاني هيه خذي ادب انتي تحبين العربي ينفع
دانه : ماابيه ابويه ابي فن
عبدالله بصرامه : قلت لا . الفن ماله مستقبل بس الادب بيبنيلج احسن مستقبل
دانه بترجي : ابويه الله يخليك خليني اختار التخصص الي ابيه بلييز
عبدالله وقف : قلت لا يعني لا ما تفهمين
وطلع راح فوق لغرفته ..
دانه ( اووف ياربي ليش ابويه جي . حمدان وغصبه يدخل طب عشان شو اونه بيكون له مستقبل باهر وبينشهر قال هه شها التفكير
وادري انه مب معترض من قصه الفن بس بالنسبه له الفن ما بيبلي مستقبل ولا بيخليني معروفه لانه مثل ما يقول الفن ضربه حظ
بس انا ماابي اصير ممثله بس ابي ادرس ها التخصص وبنشوف يا ابويه , انت مشيت كلمتك على حمدان بس عليه لا )
... : انسه دانه وين رحتي ؟!
دانه : خير ديانا ؟!
ديانا : هلئ صار وقت نومك يلا
دانه رفعت حاجب واحد : ايه مب ع كيفيج ترقديني ناويه اقضيها صباحي الليله روحي رقدي
ديانا : ما بيصير هيك راح دري عيونك
دانه وقفت : شو يخصج ابي افهم والله لو حمدان هني جان رواج شغلج وخري عني
ديانا همست : اذا ابوكِ عرف والله راح يدبحني

دانه راحت غرفتها .. بدت ترسم الخطه فمخها لازم تحكم الخطه عدل
وفجاه صفقت وابتسمت ابتسامه خبيه وقررت تقول ها الشي لحمدان ... بس باجر
وغيرت رايها ونامت ..


[ نبذه ]
عبدالله . بو حمدان . شريك فشركه ضخمه . عمره 47 سنه . لون عيونه بني وشعره اسود . طويل القامه
حمدان . عمره 20 سنه . يدرس طب فامريكا سنه ثانيه . لون عيونه بني وشعره بني كثيف وطويل شوي . طويل القامه و معضل
دانه . عمرها 17 سنه . لون عيونها بني وشعرها بني طويل لخصرها وكثيف . طويله وضعيفه


قامت دانه ع رنه الفون .. كيوتيه يتصل بك ..
دانه بنعاس : هلا حتاتي
... : ليش مايتي الجامعه وانا مستانسه اترياج
دانه بنفس الصوت : اااه نواري انا قلت اني لين احينه ما حكمت قراري بالتخصص
نوره : وبعدين يعني اي مس يوو
دانه : ههههه مي توو
اندق الباب ودخلت ديانا
ديانا : صباح الخييير
دانه طنشت : انزين نواري برمس ابويه لاخر مره وان شالله بي باجر
نوره : اوك انطرج باجر باي حبي
دانه : بيباي
ديانا فتحت الستاره
دانه سكرت عينها : اوووف يابنت الحلال ما شبعت نووم
ديانا : لا هيك بكفي نمتي 8 ساعات بكفي
دانه : انا سهرت بارحه
ديانا : شو عم تكذبي علي ؟! انا ما بنام اذا انت مانمتي يلا فيئي هلئ يلا
دانه : اووف اووف
راحت تسبحت وطلعت و الروب عليها و ديانا سشورت شعرها
دانه : ممكن ابدل
ديانا ابتسمت : ناطرتك تحت
دانه لبست ونزلت تحت

عبدالله : وين دانه ؟!
ديانا : ألت بدها بدل وتنزل
عبدالله همس : رمست حد بارحه ؟!
ديانا همست : ايه اخوها
عبدالله : حمدان ! ليش خليتها ترمسه ؟! يالله عن يقولي ابي ارجع
ديانا : ايه شو اعمل دبحتني
دانه : صباح الخير
عبدالله & ديانا : صباح النور
دانه ابتسمت : ها ابويه اشوفك مارحت الشغل ساعه 9
عبدالله : بروح بعد شوي انزين انا بسجلج فالجامعه بتخصص ادب
دانه بحركه غير مبالايه : انا بروح باجر وبسجل وبخلص الموضوع
عبدالله : براحتج
دانه ( هه نجحت باول خطوه )
طلع عبدالله .. ودانه راحت يلست فالحديقه وطرشت مسج لحمدان " يوم تكون فاظي خبرني "

مر عليها اليوم غبي بالنسبه لها كان ممل ..
ساعه 7 المغرب
رن فون دانه .. نبض شرياني يتصل بك ..
دانه : حمدااني
حمدان : شحالج ؟!
دانه : منيييحه وانت ؟!
حمدان : بخير الحمدالله
دانه : اسمعني بطرشلك شي ع المسج باي
حمدان بعد ما سكرت : ها !!
نطر دقيتين و وصله مسج من دانه " ماااروم ارمس لانه الجاسوسه ديانا فوق راسي اسمع انا خبرت ابويه اني بسجل بقسم ادب
بس بسجل بقسم الفن والتمثيل وباجر بروح اسجل فالجامعه بس اهم شي عندي رضاك "
طرش لها " راضي .. بس اخاف يمسكج ابويه وتروح كل احلامج "
دانه " بحاول اني ما اكشف نفسي ادعيلي "
حمدان " الله وياج فديتج "

اليوم الثاني راحت دانه الجامعه بعد ما خذت مبلغ من ابوها
راحت سجلت بقسم الفن والتمثيل ودفعت وخذت كتب وراحت عند ربيعتها نوره
نوره حضنتها : فدييت ها الطله يا نااس
دانه ابتسمت : فديتج انتي ياعسسسل
نوره : انزين خبريني شو تخصص الي سجلتي فيه ؟!
دانه : فن و تمثيل
نوره بفرحه : ابوج وافق ؟!
دانه : لا من ورى
نوره : ها ؟! ينيتي انتي والله ان درى بيذبحج
دانه : ادعي انه مايدري
نوره : يارب
دانه طالعت الساعه : يلا انا بروح الكلاس ..

دخلت الكلاس كان مخطلت ..
راحت يلست بصوب البنات ودخل الدكتور بعد ربع ساعه
دكتور انتبه ع دانه وابتسم : تعالي
دانه ابتسمت وقامت
دكتور لاحظ ابتسامتها الجذابه
راحت عنده
دكتور : شو اسمج ؟!
دانه : دانه عبدالله
دكتور : هلا دانه وانا الدكتور سلطان
دانه ابتسمت
دكتور : تقدرين تروحين مكانج , المهم اليوم بنبدا بشوف كيف مواهبكم بالتمثيل وبحط كلن ع مستوى نبدا بالشباب
طلب منهم مشهد موت شخص عزيز عليهم مثلا ..
وكلن مثل من الشباب واعجبه واحد اسمه راشد
دكتور سلطان : راشد ماشالله عليك موهبك فطريه
راشد ابتسم ..
دكتور سلطان : لازم اللقيلك دويتوا يعني بنت تكون معاك وتكون موهبتها فطريه
راشد ابتسم ..
دكتور سلطان : انزين اسمع احينه بنت بنت بتمثل الدور ولما اشوف البنت الي تناسب تكون دويتوا معاك بقولك تتدخل معها بالتمثيل
راشد : مستعد
دكتور سلطان : بنات ..
بنت ورى بنت .. حس الدكتور انهم يعرفون يمثلون مع نقص بسيط بيكونون احسن مايكون بعد التخرج بس يبي حد فيه ها الموهبه
ويا دور دانه ..
دكتور سلطان : يلا دانه اشوف سو الي تبينه تقعدين توقفين الي تبينه
دانه فكرت شوي ويلست ع ارض وتكورت على عمرها وتذكر اليوم الي تلقت فيه خبر وافاه امها , وكيف تألمت لها الخبر , وكيف طاحت
من طولها ومادرت عن نفسها الا بعد يومين ..
نزلت دمعه .. الكل اندهش مسرع ما نزلت دمعتها
راشد ركز واايد عليها ( نزلت الدمعه بثواني هاذي صعبه شوي )
بعد الدمعه رجفوا شفايفها وطلع صوت شهيقها
دكتور سلطان بتركيز : راشد
راشد مشى لها وقعد ع ارض ..
دانه بصوت صياح : اميه راحت يا اخوي راحت
راشد حط ايده ع ايدها حس ببروده ايدها خاف شوي : ترى الدموع ما بترجعها بس ادعيلها
دانه بصوت صياح : ما اروم وربي ما اروم
وراحت يلست عنده وهي تصيح وبدا راشد يبرز ملامح الاسى
صفق الدكتور سلطان والطلبه كلهم ..
دانه بعدت عنه بابتسامه باهته ..
راشد ابتسم بس راحت ابتسامته لما شافها بعدها تصيح
راشد بهمس : دانه !
دانه وقفت : دكتور ممكن اروح الحمام
دكتور سلطان : دانه بنتي شفيج ؟!
دانه : ممكن اروح
دكتور سلطان : تفضلي
وطلعت بسرعه ..
دكتور سلطان : شو ستوى بها ؟!
راشد : ممكن اروح اشوفها
دكتور سلطان : تفضل

قبل ما تتدخل دانه الحمام سمعت حد يناديها
راشد : شفيج ؟! ليش صحتي ؟!
دانه : انا ...... انا صدق امي متوفيه من فتره مب بعيده
راشد حس بقشعريره تسري فجسمه
دانه : بغسل ويهي وبي
راشد : اوك
وراح الكلاس ..
دكتور سلطان : شفيها ؟! تاثرت بالموقف ؟!
راشد : هي صدق امها متوفيه من فتره من بعيده
دكتور سلطان تبلعم
دخلت دانه بابتسامتها الحلوه
دكتور سلطان ابتسم : انزين شو رايكم تمثلون دور الحبيب والحبيبه ؟!
راشد & دانه : اوك

دانه تركضت وهي تضحك
وراشد مسكها من ايدها
دانه طالع يمين يسار بضحك : ههه ما بتصدق شقايل شردت ههههههه
راشد بابتسامه باهته : دانه دانه .. في شي ابي اقوله لج
دانه طالعته وهي مبتسمه : امر حبيبي
راشد رنت ها الكلمه فاذنه : انا .. بسافر عشان .. ادرس
دانه راحت ابتسامتها : تتدرس ؟! ( رمست بعفويه ) ليش الديره مليانه جامعات ؟!
راشد : ابي ادرس طب والدراسه برع احسن
دانه لفت عطته ظهرها ونزلت دمعه : كم سنه ؟!
راشد : 7 سنين
دانه غمضت عيونها بألم وصرخت : 7 سنين يا ظالم
راشد مسك كتفها : صدقيني عشان مستقبلنا بعد ما ارجع بخبطج
دانه وخرت ايده : انا بنطرك بس ابويه لا مابينطرك كيف تباني ابررله ( صرخت ) 7 سنين
راشد نزل راسه بالم
دانه مشت عنه بس راشد مسك ايدها
راشد بهمس : احبج
دانه تمت واقفه مكانها

صفق الدكتور سلطان : دويتوا رائع
راشد ودانه طالعوا بعض وابتسموا
وخلصت ها الحصه وطلعت مع بنتين من قسمها
ويلسوا بالكفتيريا
ميره : ابدعتي بصراحه خصوصا بالدموع
دانه ابتسمت : حبيبتي هذا من ذوقج
بشرى : عاد يا بختج ويا راشد ههه بصراحه حليوو
ميره : وانتي ما عندج الا ها السيره
دانه : هههههههه خليها ذايبه فالولد
بشرى : صدقها شو يخصج فيني
ميره : اويه ياي صوبنا
دانه ما لتفتت ..
راشد : قوه بنات
البنات : هلا
راشد طالع دانه وابتسم : دانه اذا تمينا على ها الحال بنكون احلى دويتوا
دانه طالعته وابتسمت : ان شالله
راشد : ابرهتيني بصراحه ( طلع ورقه من جيبه ) هذا رقمي ابي نتواصل عشان الدورس اذا ما عندج مانع
دانه خذت الورقه : اكيد ليش لا
راشد ابتسم : عن اذنكم
دانه : تفضل



توقعآتكم . .
- دآنه بتكمل بهآ تخصص وتحقق حلمهآ ؟!
- رآشد شو موقعه مع دآنه حآليآ ؟!
- آبو دانه بيعرف بآلتخصص ؟! وآذا عرف شو بيسوي ؟!
- حمدان بيكمل درآسه بآمريكآ ولا من كثر شوقه لآخته بيرجع ؟!



    رد مع اقتباس
قديم 2011-02-19   #3
رحيق القلوبِ
عضو فضي

 تاريخ التسجيل : May 2009
 المكان : الشرقية
 الجنس : انثى
 المشاركات : 4,057
 السمعه : 2768

رحيق القلوبِ غير متصل

 

افتراضي رد: أحلآم بريئة . . ,

 

 

 

مشاء الله
بارت روعة بكل ماتعنيه الكلمة
واكيد متابعة لك بقوة واصلي حبيبتي
وننتظر الجاي

    رد مع اقتباس
قديم 2011-02-19   #4
No0od
عضو متميز

الصورة الرمزية No0od

 تاريخ التسجيل : Jun 2009
 المكان : دآر بوُ سْلطآن .,
 الجنس : انثى
 المشاركات : 1,522
 السمعه : 191

No0od غير متصل

 

افتراضي رد: أحلآم بريئة . . ,

 

 

 

اقتباس
مشاهدة المشاركة المشاركة الأصلية كتبت بواسطة رحيق القلوبِ
مشاء الله
بارت روعة بكل ماتعنيه الكلمة
واكيد متابعة لك بقوة واصلي حبيبتي
وننتظر الجاي

[ALIGN=CENTER][TABLETEXT="width:70%;"][CELL="filter:;"][ALIGN=center]
طلتج هي آلروعه
نورتي [/ALIGN]
[/CELL][/TABLETEXT][/ALIGN]

    رد مع اقتباس
إضافة رد

الكلمات الدلالية (Tags)
آحلآم , بريئة

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أحلام بريئة << قصة من مجهودي الشخصي الدبة قصص و روايات 7 2012-06-22 02:17 PM
سأكبر بريئة كالبراعم Anwar abdullah منتدى التصوير الضوئي 15 2011-09-24 04:09 PM
بريئة ما أحد حولها تاركان العرب وطن النثر 9 2007-08-18 01:25 PM
رومنسية بريئة بالصوووور بـ ح ــر الحبــ منتدى الصور 14 2006-10-07 08:36 PM
ابتسامة بريئة ونظرة خجولة ... عييصام قهوة خفوق 10 2006-02-24 11:07 PM


الساعة الآن 05:45 AM.


Powered by vBulletin® Version 3.8.9 Beta 3
Copyright ©2000 - 2016, vBulletin Solutions, Inc.
دعم Sitemap Arabic By